Başqalarına dediklərimizi qorumaq vacibdir, bu, Qərbi Balkan ölkələrinə, eləcə də Moldovaya, Ukraynaya aiddir və fikrimcə Gürcüstana da çünki, biz onların tərəfdaşlarıyıq”, – Almaniya kansleri Olaf Şolts İspaniyada Sosialistlər Konqresində çıxışında bildirib.

Almaniya hökuməti başçısının sözlərinə görə, bu ölkələrə kömək etmək vacibdir ki, onlar Avropa ailəsinə daxil ola bilsinlər.

Bundan əlavə, Olaf Şolts Rusiyanın Ukraynaya qarşı müharibəsindən də danışıb.

“Sərhədlərin güc yolu ilə dəyişdirilməsi artıq Avropanın reallığının bir hissəsi olmamalıdır və Ukraynaya qarşı təcavüzlə Rusiya lideri bu razılaşmanı dəyişmək, başqa ölkəyə qarşı mübarizə aparmaq və sadəcə olaraq ərazisini ruslaşdırmağa çalışmaq qərarına gəlib. Biz bunu qəbul edə bilmərik və bu əsas siyasət dəyişikliyinə cavab verməliyik. Bu, Ukraynanı dəstəkləmək və öz ölkəmizi müdafiə etmək deməkdir. Putin qalib gəlməməlidir, amma başqalarına, xüsusilə 20 il əvvəl Avropa Birliyinin bir hissəsi olmaq vədini alan Qərbi Balkan ölkələrinə dediklərimizə əməl etmək də vacibdir. Bu deyiləndən 20 il keçir. Bu vəziyyət Moldova, Ukrayna və fikrimcə Gürcüstanla da eynidir, çünki, biz onların tərəfdaşlarıyıq, onlara öz ölkələrini yaxşılaşdırmaq, islahatları həyata keçirmək üçün qərarlar qəbul etmək, sonra bizim güclü Avropa ailəmizə qoşulmaq imkanı yaradırıq. Düşünürəm ki, tapşırığımızı yerinə yetirsək, dəstəyə ehtiyacı olanlara dəstək versək, bunun işə yaraması üçün yaxşı şansımız var”, – Olaf Şolts bildirib.