Uzun müddətdir ki, Arestoviçin açıqlamalarına qulaq asmırıq və onları ciddi qəbul etmirik – bu barədə Gürcüstan Parlamentinin Xarici Əlaqələr Komitəsinin sədri Nikoloz Samxaradze açıqlayıb.

Nikoloz Samxaradze Ukrayna Prezident Administrasiyasının müşaviri Aleksei Aretoviçin Gürcüstan hakimiyyətinin Rusiyayönlü kurs həyata keçirdiyini qeyd etdiyi bəyanatını şərh edib.

“Düz iki gün əvvəl mən Ukrayna Xarici İşlər Nazirliyinin bəyanatı ilə bağlı danışdım və dedim ki, bu, yaxşı bəyanatdır, lakin Arestoviç, Podolyak və Danilovun bəyanatları ilə bağlı nə etməliydik. Arestoviç tərəddüd etmədi və daha bir bəyanat verdi. Uzun müddətdir ki, Arestoviçin açıqlamalarına qulaq asmırıq və onları ciddi qəbul etmirik, lakin Ukrayna Xarici İşlər Nazirliyinə sualım var – onlar nə edirlər, bunu rəsmi şəxsin bəyanatı hesab edirlər, ya yox? Etmirlərsə, o zaman ayrılsalar yaxşı olar. Əks halda, Arestoviçin açıqlamasına cavab vermək fikrində deyiləm, çünki bunun mənası yoxdur. Bu bəyanatda məqsəd bir növ bizə, “Gürcü Arzusuna”, Gürcüstan dövlətinə zərər verməkdir. Əgər bunun Saakaşviliyə kömək edəcəyini düşünürlərsə, çox yanılırlar”- deyə Samxaradze açıqlayıb.