Parlamentin Xarici Əlaqələr Komitəsinin sədri Nikoloz Samxaradze Mixeil Saakaşvilinin analizlərdən imtina etməsinin suallar doğurduğunu bildirib.

O bildirib ki, opponentlərin Saakaşvilinin zəhərlənməsindən danışması fonunda, həqiqəti müəyyən etməyin ən yaxşı yolu analiz götürməkdir.

“Mixeil Saakaşvilinin analiz alınmasından imtina etməsi suallar yaradır. Opponentlərin Saakaşvilinin zəhərlənməsindən, həyatının təhlükədə olmasından danışması və s. fonunda həqiqəti müəyyən etməyin ən yaxşı yolu analiz götürməkdir. Bu, onun səhhəti ilə bağlı hər şeyin siyasi dostlarının və vəkillərinin göstərməyə çalışdıqları qədər pis olmaması ilə bağlı sual doğurur. Bütün bunlar Saakaşvilinin məsuliyyətdən azad edilməsi və cəza çəkməməyə yönəlmiş böyük kampaniyanın bir hissəsidir”- deyə Nikoloz Samxaradze açıqlayıb.

Bundan əlavə, Nikoloz Samxaradze “Empatia” mərkəzinin Saakaşvili ilə bağlı verdiyi rəydən danışaraq qeyd edib ki, bu quruma heç bir etimad yoxdur.

“Empatia”ya gəlincə, bu təşkilat hətta Şakaraşvilinin dəhşətli qətli zamanı da öz hərəkətləri ilə “ad çıxarıb”. Onlar özlərini çox pis apardılar və heç bir etimad yoxdur” -deyə Nikoloz Samxaradze açıqlayıb.