Malta Prezidenti ilə görüşdə Avropa İttifaqının genişlənməsi və Avropa İttifaqının üzləşdiyi təhlükəsizlik problemlərindən, eləcə də Avropa İttifaqının təhlükəsizliyinə verə biləcəyimiz töhfəmizdən danışdıq -bu barədə “Gürcü Arzusu”nun üzvü Nikoloz Samxaradze açıqlayıb.

Samxaradze Gürcüstan nümayəndə heyətinin mövqelərinin Malta prezidenti ilə tam uyğun olduğunu bildirib.

“Malta Prezidenti Gürcüstanın Avropa İttifaqına üzvlüyünə qeyd-şərtsiz dəstəyini ifadə edib və prosesin sürətləndirilməsi gərəkdiyini bildirib, çünki Gürcüstanın üzvlüyü özlüyündə Avropa İttifaqının təhlükəsizlik problemlərini həll edə bilməsi deməkdir, çünki Gürcüstan vasitəsilə Mərkəzi Asiyanın enerji mənbələri ilə qoşulmaq olar. Təhlükəsizlik çağırışlarımızdan, həm Ukraynada, həm də Gürcüstanda rus təcavüzündən danışdıq. Malta Prezidenti Gürcüstanın beynəlxalq aləmdə tutduğu dəstəkləyici mövqeyindən məmnunluğunu ifadə edib. O bildirib ki, Gürcüstanın ikitərəfli sanksiyalar tətbiq etməməklə Rusiyaya münasibətdə tutduğu mövqeyi başa düşür və bu, 20 faizi işğal altında olan ölkə tərəfindən başa düşüləndir. Malta Prezidenti ilə mövqelərimiz tam uyğunlaşdı və dekabrda status məsələsi müzakirə olunanda Maltanın Gürcüstanı dəstəkləyəcəyinin sözünü verdi” – deyə Samxaradze açıqlayıb.