Uzun zamandır xüsusən də Amerika, Avropa İttifaqı və Böyük Britaniyadan olan sanksiyalar üzrə koordinatorların Gürcüstanda olması və Gürcüstanın əməkdaşlıq baxımından nümunəvi olduğunu deməsindən sonra dezinformasiya kampaniyası və isterikaya nöqtə qoyulub – Nikoloz Samxaradze bildirib.

Onun sözlərinə görə, Rusiya Gürcüstanda beynəlxalq sanksiyalardan yan keçə bilməz.

“Biz Rusiyanın Ukraynaya təcavüzünün ilk günündə elan etdiyimiz siyasəti kifayət qədər məntiqli və məqsədyönlü şəkildə həyata keçiririk. Biz sanksiyalar tətbiq etmirik, amma bizdə Rusiya beynəlxalq sanksiyalardan yan keçə bilməz. Gəlirlər Xidmətinin qərarı bu siyasətin bir hissəsidir”, – Samxaradze bildirib.

Gəlirlər Xidmətinin məlumatına görə, beynəlxalq sanksiyalara uyğun olaraq, ABŞ və Avropa İttifaqı ölkələrindən Rusiya və Belarusa gətirilən avtomobillərin Gürcüstan ərazisindən təkrar ixracı qadağandır.