Mən Belarus hakimiyyətini Gürcüstanın suverenliyinə və ərazi bütövlüyünə hörmət etməyə, beynəlxalq hüququn fundamental prinsiplərinə birbaşa zidd olan bu cür hərəkətləri dayandırmağa çağırıram -bu barədə Gürcüstan parlamentinin Xarici Əlaqələr Komitəsinin sədri və ATƏT-in Parlament Assambleyasında daimi nümayəndə heyətinin rəhbəri Nikoloz Samxaradze açıqlayıb .

ATƏT-in Parlament Assambleyasının qış sessiyası çərçivəsində keçirilən üç komitənin birgə iclasında çıxış edən Nikoloz Samxaradze bu həftə Belarus rəsmiləri ilə Abxaziyanın de-fakto hökumətinin nümayəndələri arasında keçirilən görüşü pisləyib.

“Gürcüstan rəhbərliyi abxazlarla görüşlərə niyə belə kəskin reaksiya verir ? Ola bilsin ki, bu görüşlər abxaz və gürcü xalqları arasında dostluğa xidmət edir”-deyə Belarus Prezidenti bu barədə Minskdə, işğal altındakı Abxaziyanın dırnaq arası lideri Aslan Bjania ilə keçirilən görüşdə açıqlayıb.

Məlumatı Gürcüstan parlamentinin mətbuat xidməti yayır.