Nikoloz Basilaşvili “Verona Challenger” turnirinin yarımfinalında yarışacaq

22:56, 26.07.2024

Gürcüstanlı tennisçi Nikoloz Basilaşvili İtaliyada, Verona şəhərində keçirilən “Challenger” turnirində uğurla çıxışını davam etdirir.

Püşkatmanın 1/4 finalında Basilaşvili dünyanın 112-ci tennisçisi hollandiyalı Yesper de Yonquyu üç setdə 6:4, 4:6, 6:1 hesabı ilə məğlub edib.

Qeyd etmək lazımdır ki, Nikoloz Basilaşvili bu qələbə ilə reytinqdə 27 mövqe ilə irəliləyib və 372-ci yer tutur.

Verona turnirinin yarımfinalında gürcü tennisçinin rəqibi litvalı Qaubas və boliviyalı Delien arasında qalib gələcək.

Müəllif - Nino Pashayeva