Ermənistanın Baş naziri Nikol Paşinyanın Gürcüstana işgüzar səfəri başladı.

Vitse baş nazir, iqtisadiyyat və davamlı inkişaf naziri Levan Davitaşvili və Gürcüstanın Ermənistan Respublikasındakı səfiri Qiorqi Şarvaşidze Ermənistanın Baş nazirini Tbilisi Beynəlxalq Hava Limanında qarşılayıblar.

Nikol Paşinyan nümayəndə heyəti ilə birlikdə Gürcüstana səfər edib.

Səfər çərçivəsində Nikol Paşinyanla İrakli Ğaribaşvili arasında təkbətək görüş planlaşdırılır; Gürcüstan və Ermənistan Respublikası arasında İqtisadi Əməkdaşlıq üzrə Hökumətlərarası Komissiyanın 13-cü iclası keçiriləcək, bundan sonra da bir sıra sənədlərin imzalanması mərasimi keçiriləcək.

Gürcüstan və Ermənistanın baş nazirləri mətbuat qarşısında birgə açıqlamalarla çıxış edəcəklər.

Məlumatı Gürcüstan hökumətinin administrasiyası yayır.