Ermənistan baş nazirinin sözlərinə görə, Rusiya ilə əlaqə Ermənistanın təhlükəsizliyinin təmin olunmasında mühüm amildir. Bu sözləri Nikol Paşinyan hökumətin bugünkü iclasında deyib.

“Ermənistanın təhlükəsizliyinin təmin olunmasında mühüm amil Ermənistan-Rusiya strateji müttəfiqliyi və Ermənistanın Kollektiv Təhlükəsizlik Müqaviləsi Təşkilatına üzv olmasıdır. Bu nöqtələr proqramımıza daxil ediləcək” dedi Paşinyan

Onun sözlərinə görə, Ermənistanın yeni hökumətinin prioriteti bütün nəqliyyat qovşaqlarını açmaqdır.

“Ermənistan bölgədə davamlı sülhün bərqərar olması üçün üzərinə düşən məsuliyyəti öz üzərinə götürməyə hazırdır”, – Ermənistanın Baş naziri bildirib.

Onun sözlərinə görə, Ermənistanın ərazi bütövlüyünün və suverenliyinin qorunması, həmçinin tanınmamış Dağlıq Qarabağ münaqişəsinin həlli hökumət proqramının əsas nöqtəsidir.

Ermənistanın yeni hökuməti öz proqramını avqustun 24 -də parlamentə təqdim edəcək.