İrakli Ğaribaşvili ilə müzakirələr zamanı biz qurumlara Ermənistan-Gürcüstan sərhədinin delimitasiyası məsələsini sona qədər aparmaq üçün effektiv addımlar atmağı tapşırmaq qərarını verdik-bu haqda Ermənistanın Baş naziri Nikol Paşinyan Gürcüstanın Baş naziri İrakli Ğaribaşvili ilə birgə bəyanatında qeyd edib.

“Biz birgə qətnamə qəbul etdik. Hüquqi münasibətləri bütün istiqamətlərdə müdafiə edək, qoruyub saxlayaq və dərinləşdirək və bu yolda yarana biləcək bütün problemləri qarşılıqlı anlaşma prinsipi əsasında müzakirə edək” – deyə Nikol Paşinyan açıqlayıb.

Gürcüstanın Baş naziri İrakli Ğaribaşvili Ermənistanın Baş naziri Nikol Paşinyanla birgə bəyanatında qeyd edib ki, Gürcüstan və Ermənistan arasında strateji tərəfdaşlıq haqqında memorandum imzalanıb. İrakli Ğaribaşvilinin qeyd etdiyi kimi, Gürcüstan və Ermənistan hər zaman strateji dost və tərəfdaş olublar və bu reallıq bu gün rəsmiləşdirilib.