Nikol Paşinyan – Ermənistan və Azərbaycan arasında sülh qurulmalıdır, həmçinin Türkiyə öz sərhədini açmalıdır

Biz Ermənistan və Azərbaycan arasında sülh qurmalıyıq, həmçinin Türkiyə ilə sərhədi açmalıyıq, yəni Türkiyə öz sərhədini açmalıdır – bu barədə Ermənistanın Baş naziri Nikol Paşinyan bildirib.

Paşinyanın sözlərinə görə, son parlament seçkilərində Ermənistan əhalisi sülhə, regional inkişaf və əməkdaşlığa səs verib.

O, ümid etdiyini bildirib ki, həm Türkiyə, həm də Azərbaycan buna müsbət cavab verəcək.

“Bundan əlavə, biz diplomatik münasibətlər qurmalıyıq. Həmçinin, Tbilisi–Qars dəmir yolunun erməni mallarının idxal və ixracı üçün açılması qərarına görə minnətdarıq. Türkiyə ilə münasibətlərimizdə çox yaxşı dinamika var, lakin bu dinamika diplomatik münasibətlərin qurulması və sərhədlərin tam açılması üçün davam etməlidir”, – deyə Nikol Paşinyan qeyd edib.