“Milli Hərəkatın” üzvləri Nika Meliya, Baço Dolidze və Zviad Kuprava məhkəmə zalından buraxılıb. Onların məhkəməsi təxirə salınıb. Vəkil prosesin təxirə salınması ilə bağlı vasitəçi olaraq çıxış edib və hakim təsdiqləyib. Tbilisi Şəhər Məhkəməsində keçiriləcək proses oktyabrın 23-ü saat 12:00-a təyin edilib.

“Bizim vəzifəmiz hakimiyyəti demokratikləşdirmək deyil, bu, əlçatmaz vəzifə və missiyadır. Bu hakimiyyət dəyişdirilməlidir, cinayətkarları müdafiə edən hakimiyyət, hakimiyyatdan qidalanan cinayətkarlar. Biz də gördük ki, polis forması geyinmiş şəxslərlə dostlarımıza, həmkarlarımıza hücum edən cinayətkarlar arasında heç bir fərq yoxdur. Onlar illərdir tam koordinasiyada, hazır olublar. Mən 2020-ci ildən etibarən Qldani rayonunda nə baş verdiyini çox yaxşı bilirəm. Polisə bilavasitə bağlı olan bir neçə şəxsin başçılıq etdiyi cinayətkar dəstə birgə fəaliyyət göstərir. Bu, əvvəlcədən planlaşdırılmış, siyasi zəmində kütləvi basqın idi. Kiminsə fərqli fikri varsa, o adamın obyektivliklə heç bir əlaqəsi yoxdur. Bəli, bu gün mənim üçün cinayətkarları qoruyan polislərin hamısı eyni cinayətkardır, onlara qarşı mübarizə aparmaq şərəfdir. Mübaliğəsiz, “Gürcü Arzusunun” mərkəzi ofisi ilə Diğom bölməsi arasında heç bir fərq yoxdur, partiya qurumudur. Məsələ təkcə mənə aid deyil. Oğlanlara, vətənpərvər insanlara etdiklərinə dözmək olmur. Sən hər şeyi gözləyə bilərsən, amma mən bu ölkənin qələbəsini gözləyirəm ki, reinkarnasiya edilən 90-cı illər “Şpana” və qanuni oğrular məhəllə-məhəllə gəzsinlər, hər şeyə nəzarət etsinlər, bunlar keçmişdə qalsın.” dedi Nika Meliya.

Nika Meliya, Baço Dolidze və Zviad Kuprava iki gün əvvəl hüquq-mühafizə orqanlarının əməkdaşları tərəfindən həbs edilib.

Daxili İşlər Nazirliyinin məlumatına görə, Qldanidə baş verən qarşıdurma zamanı həbs edilən şəxslər asayiş keşikçilərinin xidməti vəzifələrini yerinə yetirməsinə mane olub, onları sözlə və fiziki təhqir edib, müqavimət göstəriblər.