Niderland Krallığının əlverişli aviaşirkəti “Transavia” Gürcüstan bazarında fəaliyyətə başlayır. Aviaşirkət Tbilisi Beynəlxalq Hava Limanından uçuşlar həyata keçirəcək.

“Tav Georgia”nın məlumatına əsasən, 2024-cü ilin yay naviqasiya mövsümündə aviaşirkət Amsterdam-Tbilisi-Amsterdam istiqamətində uçuşlar həyata keçirəcək. Aprelin 20-dən etibarən uçuşlar həftədə iki dəfə, çərşənbə və şənbə günləri yerinə yetiriləcək.

“Transavia” Niderland Krallığının bir nömrəli əlverişli aviaşirkətidir və ikinci ən böyük aviaşirkətdir. AIR FRANCE KLM-in üzvü olan aviaşirkət 50 ildir Niderlandda 20-dən çox ölkənin 100-dən çox istiqamətinə uçuşlar həyata keçirir və hər il doqquz milyon sərnişin daşıyır.

“Transavia”nın yeddi bazası var. Aviaşirkətin gəmiləri Niderland Krallığının, Fransanın və Almaniyanın hava limanlarında bazalaşıb.