Polşanın xarici işlər naziri Radoslav Sikorskinin bəyanatına cavab olaraq Şimali Atlantika alyansındaki müttəfiqlərə xəbərdarlıq ediblər ki, üzv ölkələr Rusiya raketlərini vursalar, bu, bütün alyansa təsir edəcək.

NATO sözçüsünün dediyinə görə, alyans Rusiya müharibəsinin daha da genişlənməsinin qarşısını almaq və münaqişə tərəfinə çevrilməmək üçün məsuliyyət daşıyır.

Onun izahatına görə, alyansın hər bir üzvü öz hava məkanını qorumaq hüququna malikdir.

“Müttəfiqlər yaxından məsləhətləşmələri davam etdirməlidirlər”, – sözçü əlavə edib.

Xatırladaq ki, Polşanın xarici işlər naziri Radoslav Sikorski Polşa və Ukrayna ilə həmsərhəd olan digər ölkələrin Rusiya raketlərini öz hava məkanına daxil olmamışdan əvvəl vurmağa “məcbur” olduğunu bildirdi.