Proqramı mümkün qədər tez aktivləşdirmək üçün Valyuta Fondu ilə birlikdə işləyirik. Gürcüstan Milli Bankının prezidenti vəzifəsini icra edən Natia Turnava bildirib ki, proqram dayandırılmayıb, lakin may ayından proqramın mərhələlərindən biri dayandırılıb.

Turnavanın sözlərinə görə, Beynəlxalq Valyuta Fondu məsələyə müsbət yanaşır.

“Biz kifayət qədər optimistik, Beynəlxalq Valyuta Fondundan da eyni müsbət münasibəti görürük. Bizim əməkdaşlıq etdiyimiz məsələlərdən biri də Milli Bankın daha da institusional cəhətdən gücləndirilməsi, xüsusən də Şuranın nəzarət funksiyasının gücləndirilməsidir ki, bu da müstəqilliyimizin möhkəmləndirilməsi istiqamətində atılan addımdır. Bunun üçün qanunvericiliyə dəyişiklik etmək zərurəti yaranarsa, müvafiq məsləhətləşmələrdən sonra parlamentə müraciət edəcəyik”, – deyə Natia Turnava bildirib.