Natia Turnava - düşünürük ki, yaxın vaxtlarda ilk mikrobankımız olacaq

13:40, 08.11.2023

Mikrobanklar üçün yeni lisenziyanın qəbul edilməsi investorlar üçün əlavə maraqlı, cəlbedici maliyyə institutunun yaradılmasına xidmət edir ki, bu da müəyyən dərəcədə mikromaliyyə təşkilatları ilə tam hüquqlu banklar arasında keçid mərhələsi olacaq – deyə Milli Bankın prezidenti vəzifələrinin icraçısı Natia Turnava bildirib.

Natia Turnavanın sözlərinə görə, özəl sektordan da maraq var.

“Sənaye, maliyyə sektoru ilə görüşüm oldu. Ərizə verməyi düşünən təşkilatlarla danışmışam. Qaydaların bəzi incə təkmilləşdirmələrə ehtiyacı ola bilər, çünki bu, yeni təcrübədir və biz həmişə dialoqa hazırıq. Düşünürük ki, yaxın gələcəkdə ilk namizədlərimiz olacaq”- Turnava bildirib.

Müəllif - Sevinj Mustafaeva

İqtisadiyyat