Beynəlxalq kosmik stansiyada 11 ay keçirdikdən sonra, yer kürəsinə qayıdan Kristina Kuk qadın astronavtları arasında kosmosa uçuş rekordunu qırdı.

Kosmosda keçirilən 328 gündən sonra, Kuk Qazaxstan steplərində endi.

Onunla bərabər yer kürəsinə Avropa Kosmos Agentliyinin astronavtı Luka Parmitano və Roskosmosun kosmonavtı Aleksandr Skvortsov da qayıtdılar.

Kosmik moduldan enən Kuk təbəssüm edərək, “çox xöşbəxt olduğunu” bəyan etdi.

Kristina Kuk hazırda 41 yaşındadır. O Miçiqanda doğulub və mühəndisdir.

Kristina Kuk tarixə onunla da girəcək ki, keçən ilin oktyabr ayında, həmkarı Jessika Meir ilə bərabər açıq kosmosa sadəcə qadınlar tərəfindən ilk uçuş həyata keçirdi.

Kosmosa ilk gedən qadın 1963-cü ildə, Valentina Tereşkova oldu.

O bu günə qədər tarixdə kosmosa tək gedən qadın olaraq qalır.