Muxianidə 8 500 kvadratmetr sahədə istirahət məkanının bərpası işləri aparılır

15:44, 18.11.2026

Tbilisi Meriyasının Ətraf Mühitin Mühafizəsi Şəhər Xidməti Muxiani IV B mikrorayonunda, 33 və 34 saylı binaların yaxınlığında yerləşən parkın bərpası işlərini həyata keçirir, – bu barədə paytaxt meri Kaxa Kaladze Tbilisi Bələdiyyəsi hökumətinin bugünkü iclasında bildirib.

Onun sözlərinə görə, ərazidə müasir çoxfunksiyalı məkan təşkil ediləcək.

“İşlər təxminən 8500 kvadratmetrlik ərazidə aparılır və burada əhali üçün müasir çoxfunksiyalı məkan təşkil ediləcək. “Layihə çərçivəsində ərazidə uşaq meydançası, məşq sahəsi və işıqlandırma şəbəkəsi yerləşdiriləcək. Suvarma sistemi quraşdırılacaq, gəzinti cığırları salınacaq və park mebelləri tamamilə yenilənərək skamyalar, eləcə də zibil qutuları qoyulacaq. Bundan əlavə, futbol meydançası tam yenilənəcək və sakinlər üçün əlavə ictimai məkan yaradacaq amfiteatr qurulacaq”, – deyə Tbilisi meri bildirib.

Kaxa Kaladzenin qeyd etdiyi kimi, yaşıllaşdırmaya xüsusi diqqət yetiriləcək – ərazidə ağac və bitkilər əkiləcək, yaşıllıq zonaları abadlaşdırılacaq.

Oxşar