Milli Statistika Xidmətinin ilkin göstəricilərinə əsasən, 2024-cü ilin yanvarında Gürcüstanın ümumi ixracında on ən böyük ixrac tərəfdaşı ölkənin payı 80,8 faiz təşkil edib. Ən böyük ixracatçı üçlüyündə 46,2 mln. ABŞ dolları ilə birinci yeri Qırğızıstan tutur, Rusiya 41,6 mln. ABŞ dolları ilə ikinci yerdədir, Azərbaycan isə 40,9 mln. ABŞ dolları ilə üçüncü yerdədir.

İdxala gəlincə, qurumun göstəricilərinə əsasən, 2024-cü ilin yanvarında Gürcüstanın ümumi idxalında on ən böyük idxal tərəfdaşı ölkənin payı 70,0 faiz təşkil edib. İlk üçlükdə 203,1 milyon. ABŞ dolları ilə Türkiyə, 148,4 mln. ABŞ dolları ilə Rusiya və 76,4 mln. ABŞ dolları ilə Çin qərarlaşıb.

Bununla yanaşı, qurumun hesabatına əsasən, 2024-cü ilin yanvar ayında əmtəə qrupları arasında ixrac onluğunda birinci yeri 112,0 mln. ABŞ dolları ilə yüngül avtomobillər tutub, bu da ümumi ixracın 33,1 faizini təşkil edir. İkinci yeri 19,4 mln.ABŞ dolları ilə ferroərintilər tutur, təbii üzüm şərabları isə 18,0 mln. ABŞ dolları ilə üçüncü yeri tutur.

MSX-nin məlumatına əsasən, 2024-cü ilin yanvarında ən böyük idxal əmtəə qrupu yüngül avtomobillər şəklində təqdim edilib, onun idxalı 101,4 mln. ABŞ dolları təşkil edib və ümumi idxalın 10,1 faizini təşkil edib. İkinci yeri 80,4 mln. ABŞ dolları ilə neft və neft məhsulları tutur, üçüncü yerdə isə 66,8 mln. ABŞ dolları ilə neft qazları və digər qazlı karbohidrogenlər qərarlaşır .