Milli Statistika Xidmətinin ilkin göstəricilərinə əsasən, 2023-cü ildə Gürcüstanın ümumi ixracında on ən böyük ixrac tərəfdaşı ölkənin payı 80,3 faiz təşkil edib. Ən böyük ixracatçı üçlüyündə ilk yeri 862,1 milyon ABŞ dolları ilə Azərbaycan tutur. İkinci yerdə 787,1 milyon ABŞ dolları ilə Ermənistan, üçüncü yerdə isə 703,0 milyon ABŞ dolları ilə Qazaxıstan qərarlaşıb.

İdxala gəlincə, qurumun göstəricilərinə əsasən, 2023-cü ildə on ən böyük idxal tərəfdaşı ölkənin Gürcüstanın ümumi idxalında payı 70,5 faiz təşkil edib. İlk üçlükdə 2 570,1 milyon. ABŞ dolları ilə Türkiyə, 1 949,3 milyon ABŞ dolları ilə ABŞ və 1 744,5 milyon ABŞ dolları ilə Rusiya yer alıb.

Bundan əlavə, qurumun hesabatına görə, ötən il ixracat kateqoriyalarının onluğunda birinci yeri 2 126,6 milyon ABŞ dolları ilə yüngül avtomobillər tutub, bu da ümumi ixracın 34,9 faizini təşkil edir. İkinci yeri 479,3 milyon ABŞ dolları ilə mis filizləri və konsentratları, üçüncü yeri isə 259,0 milyon ABŞ dolları ilə təbii üzüm şərabları tutur.

MSX-nin göstəricilərinə əsasən, 2023-cü ildə ən böyük idxal əmtəə qrupu yüngül avtomobillər şəklində təqdim edilib, onların idxalı 3162,4 milyon ABŞ dolları və ümumi idxalın 20,5 faizini təşkil edib. İkinci yeri 1166,9 milyon ABŞ dolları ilə neft və neft məhsulları, üçüncü yeri isə 542,8 milyon ABŞ dolları ilə qablaşdırılmış dərman məhsulları tutur.