Milli Statistika Xidmətinin ilkin məlumatlarına əsasən, 2022-ci ilin ikinci rübündə Gürcüstan ərazisinə 1 049,4 min beynəlxalq qeyri-rezident ziyarətçinin daxil olduğu qeydə alınıb ki, bu da əvvəlki ilin eyni dövrü ilə müqayisədə 198,7 faiz çoxdur.

MSX-in məlumatına əsasən, ölkəyə daxil olanların ən böyük hissəsi, 47,0 faizi 31-50 yaş arası səyahətçilər olub.

“2022-ci ilin ikinci rübündə beynəlxalq ziyarətçilərin sayı 765,3 min nəfərə çatıb ki, bu da əvvəlki ilin eyni dövrü ilə müqayisədə 189,4 faiz çoxdur. Hesabat dövründə beynəlxalq ziyarətçilər tərəfindən 749,3 min turist tipli səfər olub ki, bu da ötən ilin müvafiq dövrü ilə müqayisədə 145,0 faiz çoxdur.

Beynəlxalq ziyarətçilərin 81,8 faizi yalnız turistlər olub. Təkcə ekskursiyaçıların payı 14,8 faiz təşkil edib, ziyarətçilərin 3,5 faizi isə həm turistlər, həm də ekskursiyaçılar olub.

2022-ci ilin ikinci rübündə ən çox ziyarətçi, 147,7 min nəfər Rusiya Federasiyasından qeydə alınıb ki, bu da ziyarətçilərin ümumi sayının 19,3 faizini təşkil edir. İkinci yerdə 14,9 faizlə Türkiyə, üçüncü yerdə isə 12,1 faizlə Ermənistan qərarlaşıb.

Səfərlərin əksəriyyəti, müvafiq olaraq 512,7 min və 375,3 min səfər Tbilisi və Achara M/R-na olub. 2022-ci ilin ikinci rübündə edilən səfərlər zamanı keçirilən gecələrin orta sayı 6,2 gecə olub. Səfərlərin 70,5 faizi təkrar səfərlər olub” -deyə MSX-in məlumatında qeyd olunur.