Kutaisinin 124 -cü seçki məntəqəsində yekun protokol qismən, əvvəlcədən doldurulub, seçki komissiyası müvafiq reaksiya verəcək. Bu barədə MSK-nın mətbuat katibi Natia İoseliani bildirib.

Onun verdiyi məlumata görə, protokolu seçki məntəqəsinin 14 üzvü, o cümlədən partiyaların təyin etdiyi nümayəndələr imzalayır.

İoselianinin də qeyd etdiyi kimi, protokol məhv ediləcək və məntəqə seçki komissiyasına yeni yekun protokol təqdim ediləcək.

“Protokolun fotoşəkili sosial şəbəkələrdə və müxtəlif mətbuat vasitələrində yayılıb. Birmənalı şəkildə bildiririk ki, bu səhlənkarlıqdır və Kutaisi Dairə Seçki Komissiyası müvafiq reaksiya , protokol məhv ediləcək və məntəqə seçki komissiyasına yeni yekun protokol təqdim ediləcək. Seçki Administrasiyası oxşar tipli səhlənkarlıqlara hər zaman müvafiq reaksiya verəcək. Bütün səviyyəli seçki komissiyalarına müraciət edirik, səsvermə prosesinin peşəkar səviyyədə aparılması üçün zəruri olan seçki qanunvericiliyi ilə müəyyən edilmiş normalara əməl etsinlər”- deyə Natia Ioseliani bildirib.