Bu gün ölkədə mövsümi qripə qarşı peyvəndlərə başlanılıb. Bu barədə Səhiyyə Nazirliyi məlumat yayıb.

Agentliyin məlumatına görə, dövlət immunizasiya proqramı çərçivəsində Gürcüstan “Abbott Biologicals B.V.” şirkətinin istehsalı olan dördkomponentli peyvəndi alıb ki, bu da ÜST-nin tövsiyə etdiyi vaksinlərdən biridir. Peyvənd qrip mövsümündə dövriyyəyə buraxılması gözlənilən suşlara uyğunlaşdırılıb.

“Dövlət proqramı çərçivəsində risk qruplarına qrip virusuna qarşı peyvənd vurulacaq.

Ölkədə qrip mövsümü üçün qripə qarşı peyvəndlərin aparılması məqsədilə aşağıdakı yüksək risk qrupları müəyyən edilib: şəkərli diabet xəstələri; dializ keçirən şəxslər; Hepatit C, HİV infeksiyası/AİDS və orqan transplantasiyası və kistik fibrozu olan insanlar.

Həmçinin, 60 və daha yuxarı yaşlılar; hamilə qadınlar; ümumi təhsil müəssisələrinin (məktəblərin) müəllimləri; uşaq (o cümlədən kiçik ailə tipli) və qocalar üçün sığınacaqların benefisiarları və onların qayğıkeş heyəti; Məcburi vaksinasiyaya məruz qalan tibb işçiləri və s.

Noyabrın 4-dən mövsümi qrip peyvəndi hamı üçün pulsuzdur.

Peyvənd peyvənd xidməti göstərən tibb müəssisələrində 6 aylıq yaşdan etibarən həyata keçirilir və benefisiarlar üçün tamamilə pulsuzdur. Qurumların siyahısı ilə keçiddə tanış olmaq olar”, – məlumatda qeyd olunur.