Moldova Müdafiə Nazirliyi – Moldova hava məkanını pilotsuz uçuş aparatı pozub, düşdüyü yerdəki izlər dronun partladığını göstərir, qalıqların araşdırılması davam edir

Gecə saatlarında Moldova hava məkanını pilotsuz uçuş aparatı pozub. Düşdüyü yerdə aşkar edilən izlər dronun partladığını göstərir – bu barədə ölkənin Müdafiə Nazirliyinin açıqlamasında bildirilib.

Qurumun məlumatına görə, 8 iyun saat 00:20-də Milli Ordunun müşahidə sistemləri və sərhədyanı əməkdaşlıq mexanizmləri dövlət sərhədinin pilotsuz uçuş aparatı tərəfindən keçildiyini Moldova-Ukrayna sərhədində yerləşən Mixaylovka–Lopatna yaşayış məntəqələri ərazisində qeydə alıb. Daha sonra Lopatna kəndi yaxınlığında dronun qalıqları aşkar edilib.

“Hazırda tapılan qalıqların hansı mənşəyə aid olduğunu və insidentin hansı şəraitdə baş verdiyini müəyyən etmək üçün araşdırma aparılır. Qeyd olunmalıdır ki, gecə saatlarında Rusiya Ukraynaya dron və raketlərdən istifadə etməklə genişmiqyaslı hücum həyata keçirib”, – Moldova Müdafiə Nazirliyinin açıqlamasında deyilir.

Qurumun məlumatına görə, müvafiq dövlət orqanları hadisənin sənədləşdirilməsini və vəziyyətin monitorinqini davam etdirir.