“LMC” şirkətinin hüquqşünası Zaza Nachğebia bildirir ki, şirkətin təqdim etdiyi layihəyə əsasən, Vake parkı fəvvarəsinin dalma nasosları kənarda yerləşdirilməli imiş.

Vəkil bildirib ki, sözügedən fəvvarə qurulan zaman fəvvarənin dairəvi müstəvisindən kənarda, təxminən 1.5 metrdə dalma nasoslar üçün yer ayrılıbmış.

“Layihəyə görə, MMC “LMC” sözügedən fəvvarəni vizual görünüşü dəyişmədən bərpa etməli imiş. İkincisi, burada yerləşən digər yardımçı tikililərin yeri dəyişdirilməməli, ilkin layihədəki kimi qalmalı idi. Yenilənməyə sıradan çıxmış elementlərin dəyişdirilməsi daxil idi. “LMC” dalma nasosların köhnə yerinin qorunub saxlandığı layihə sənədlərini Tbilisi meriyasına təqdim edib, sadəcə aydındır ki, nasoslar sıradan çıxmış, texnoloji cəhətdən köhnəlmişdi və layihəyə yeni müasir qurğu qoyulub. Məndə təxminən 1.5 metr məsafədə dalma nasosların yerinin aydın şəkildə göstərildiyi layihənin surəti var. Buraya yerləşdirilməli idi. “LMC” ilə razılaşma olmadan bu, dəyişdirilməməli idi” – deyə “LMC”nin vəkili Zaza Nachğebia bildirib.

Tbilisi meriyasının yaydığı layihəyə əsasən, dalma nasosların içəridə olmasının mümkün olub-olmaması ilə bağlı suala Zaza Nachğebia belə cavab verib:

“Xeyr, bizim layihəyə əsasən, dalma nasoslar yalnız kənarda olmalı idi. Bu yalandır. Vizual olaraq sənədlər eynidir, lakin içəridə nasos olmamalı idi”.