Mixeil Saakaşvili bildirib ki, Dünya Çempionatında Kabo Verde yığmasını dəstəkləyir. Onun sözlərinə görə, Kiyev Universitetində oxuduğu dövrdə çox gözəl bir Kabo Verdeli tələbəyə aşiq olub. O əlavə edib ki, əgər Kabo Verde yığması turnirdən kənarlaşarsa, dəstəyini Niderland millisinin üzərinə yönəldəcək

Mixeil Saakaşvili sosial şəbəkədə paylaşım edərək bildirib ki, bu Dünya Çempionatında Kabo Verde millisinin tərəfdarıdır.

Onun sözlərinə görə, buna səbəb həm “zəif tərəfin yanında olmaq” prinsipi, həm də Kiyev Universitetində oxuduğu dövrdə Kabo Verdeli tələbəyə olan sevgisi olub. O həmin tələbənin adının Antuanetta Lopes olduğunu qeyd edib.

Saakaşvili bildirib ki, universitet illərində birlikdə dərslərə qatılıblar, Kiyev küçələrində, parklarında və kinoteatrlarda vaxt keçiriblər. O əlavə edib ki, Kabo Verdeli tələbələr ümumilikdə yaxşı oxuyan və mehriban insanlar olub.

Keçmiş prezident həmçinin qeyd edib ki, Kabo Verde turnirdən çıxarsa, dəstəyini Niderland millisinin üzərinə yönəldəcək.