Mitinq iştirakçılarının atdığı pirotexniki vasitələrdən Daxili İşlər Nazirliyinin 1 əməkdaşı yanıq xəsarətləri alıb.

Mitinq iştirakçılarının atdığı pirotexniki vasitələrdən Daxili İşlər Nazirliyinin 1 əməkdaşı yanıq xəsarətləri alıb.

Mitinq iştirakçıları tərəfindən atılan pirotexniki vasitələrdən istifadə nəticəsində hazırkı mitinqdə Daxili İşlər Nazirliyinin bir əməkdaşı yanıq xəsarətləri alıb, – Daxili İşlər Nazirinin müavini Aleksandr Daraxvelidze Daxili İşlər Nazirliyində keçirilən brifinqdə bildirib.

Onun sözlərinə görə, mitinq iştirakçılarının parlament yaxınlığındakı etiraz aksiyası toplantı və nümayiş haqqında qanunda nəzərdə tutulan həddi tamamilə aşıb və tamamilə zorakılığa çevrilib.

“Mitinq iştirakçıları qanunverici orqanın binası istiqamətində pirotexniki vasitələr atıblar. Bundan başqa, onlar daş və müxtəlif əşyalardan istifadə etməklə parlamentin ön və yan fasadlarında yerləşən iş otaqlarının pəncərələrini zədələyiblər. Həmçinin qanunverici orqana yanan əşyalar atılıb, nəticədə parlament binasının bir neçə otağında yanğın baş verib, hansı ki artıq söndürülüb. Həmçinin mitinq iştirakçıları qanunverici orqanın binasının qoruyucu bəndlərini zədələyib, vaxtaşırı parlamentin giriş qapısını zədələməyə və həyətə daxil olmağa cəhd ediblər. Zorakı qruplar müxtəlif əşyalardan istifadə edərək magistral yolda süni maneələr quraraq bələdiyyəyə məxsus maddi əmlaka ziyan vurublar. Bundan əlavə, aksiya iştirakçıları tərəfindən atılan pirotexniki vasitələrdən istifadə nəticəsində hazırkı aksiya zamanı Daxili İşlər Nazirliyinin bir əməkdaşı yanıq xəsarətləri alıb”, – Aleksandr Daraxvelidze bildirib.