Milli Təhlükəsizlik Şurasının Aparatı fövqəladə hallar zamanı əhalinin erkən məlumatlandırılması sisteminin tətbiqi və idarə edilməsi prinsiplərini işləyib hazırlayacaq.

Bu haqda məlumatı Milli Təhlükəsizlik Şurasının Aparatı yayır.

Onların məlumatına əsasən, şuranın aparat rəhbəri Levan Ğirsiaşvilinin rəhbərliyi ilə keçirilən qurumlararası işçi qrupunun görüşündə ölkədə erkən xəbərdarlıq sisteminin yaradılması məqsədilə hökumət üçün tövsiyələrin hazırlanması və müvafiq qanun layihəsinin hazırlanması müzakirə edilib. Əhalinin erkən xəbərdarlıq sisteminin düzgün işləməsi məsələsi və sistemin səmərəli idarə olunmasının vacibliyinə diqqət yetirilib.

“Bu, çox geniş miqyaslı məsələdir və təkcə dırnaq arası həyəcan siqnalları (sirenləri) quraşdırmaqla məhdudlaşmır, cəmiyyətin fəal iştirakı da daxil olmaqla bir çox komponentləri əhatə edir. Müvafiq olaraq, məsələyə kompleks yanaşma lazımdır ki, bu da bizim işçi qrupumuzun əsas vəzifəsidir. Avropa ölkələrinin təcrübəsini nəzərə alırıq, layihədə tərəfdaşımız Birləşmiş Millətlər Təşkilatının İnkişaf Proqramıdır və buna görə onlara və xarici ekspertlərə təşəkkür etmək istəyirəm. Lazım gələrsə, bizim tərəfdaş ölkələrdən əlavə ekspert resurslarının cəlb edilməsi planlaşdırılır. Proses çox aktiv gedir. Biz mümkün qədər tez bir zamanda müvafiq layihə və tövsiyələri hökumətə təqdim etməyə çalışacağıq” – Levan Ğirsiaşvili bildirib.