2022-ci ildə qan dövranı sistemi xəstəlikləri və xərçənglər Gürcüstanda ən çox insanın ölümünə səbəb oldu. Milli Statistika Xidmətinin məlumatına əsasən, 2022-ci ildə Gürcüstanda 49 118 nəfər ölüb ki, bu da 2021-ci ilin göstəricisindən 10 788 nəfər və ya 18,0 faiz azdır.

Ölüm səbəbləri arasında qan dövranı sistemi xəstəlikləri və xərçənglər üstünlük təşkil edir və ölənlərin müvafiq olaraq 35,9 faizini və 9,2 faizini təşkil edir.

Milli Statistika Xidmətinin hesabatına əsasən, müxtəlif yaş qrupları üçün ölüm səbəblərinin əsas sinifləri üzrə ölüm sayının faiz bölgüsü fərqlidir. Beş yaşa qədər ölən uşaqlar arasında perinatal dövrdə yaranan pozğunluqlar üstünlük təşkil edir. 5-39 yaşlarında xəsarətlər, zəhərlənmələr və xarici səbəblərdən müxtəlif fəsadlar üstünlük təşkil edir, çünki qeyd olunan yaş qrupu üzrə bədbəxt hadisələrin baş vermə ehtimalı nisbətən yüksəkdir, 2022-ci ildə 40 və yuxarı yaşda olan əhali arasında ölüm səbəbləri arasında isə qan dövranı sistemi və xərçəng xəstəlikləri üstünlük təşkil edir.