Davit Ağmaşenebeli adına Milli Müdafiə Akademiyasının kursantları 1921-ci ildə həlak olan kursantlara həsr olunmuş 1921 metr məsafəyə qaçış üzrə rəmzi marafonda iştirak ediblər.

Kursantlar 1921-ci ilin fevralında sovet işğalına qarşı döyüşlərin getdiyi Kocoridə olublar.

Gənclər Kocoridə bu vaxtadək qalan səngərlərdə olub, Milli Müdafiə Akademiyasının hərbi tarixçisi Qiorqi Beridzenin 1921-ci ilin hərbi əməliyyatları haqqında mühazirəsini dinləyiblər.

Milli Müdafiə Akademiyasının kursantları Kocori-Tabaxmela döyüşlərində həlak olan kursantların abidəsində Gürcüstanın azadlığı uğrunda mübarizədə həlak olmuş qəhrəmanların xatirəsini bir daha ehtiramla yad ediblər. 1921-ci ilin fevralında kursantlar Kocori və Tabaxmela yaxınlığında Sovet Rusiyasının Qızıl Ordusuna qarşı vuruşurdular. Tədbir “İşğal həftəliyi” çərçivəsində keçirilib.

Məlumatı Gürcüstan Müdafiə Nazirliyinin mətbuat xidməti yayır.