“Vahid Milli Hərəkat” partiyasının sədri Levan Xabeişvili və partiyanın beynəlxalq istiqamətinin katibi Zurab Chiaberaşvili ABŞ-a rəsmi səfərə yollanıblar-bu barədə “Milli Hərəkat” partiyasının mətbuat xidməti məlumat yayır.

Verilmiş məlumatda Xabeişvili və Chiaberaşvilinin dekabrın 4-7-də Vaşinqtonda keçiriləcək siyasi partiyaların ən böyük forumu olan İDU forumunda iştirak edəcəkləri deyilir. VMH-in məlumatına görə, forumda həmçinin “Vahid Milli Hərəkat”ın parlament fraksiyasının sədri Tina Bokuçava və partiyanın beynəlxalq istiqamətinin rəhbəri İrakli Kavtaradze də iştirak edəcəklər.

Partiyanın mətbuat xidmətindən “Vahid Milli Hərəkat” partiyasının sədri Levan Xabeişvilinin yüksək səviyyəli görüşlər keçirəcəyini və o cümlədən IDU-nun prezidenti Stepan Harperlə də görüşəcəyini bildiriblər. Dekabrın 8-də isə partiya liderləri Nyu-Yorkda gürcü mühacirlər ilə görüşəcəklər.

“Vaşinqtonda biz dünyanın müxtəlif ölkələrindən 80-ə qədər siyasi partiyanın iştirak edəcəyi dünyanın ən böyük siyasi partiyaları forumu olan IDU forumunda iştirak edəcəyik və dekabrın 4-dən 7-i də daxil olmaqla Vaşinqtonda keçiriləcək bu forumda “Milli Hərəkat” təmsil olunacaq. Təhlükəsizlik, iqtisadiyyat, dünyada demokratiyanın inkişafı və avtokratiyaların sonu bu forumda gündəm və əsas məsələlər olacaq. Həmçinin rəsmi görüşlərimiz, o cümlədən IDU-nun prezidenti Stepan Harperlə görüşümüz olacaq. Bundan başqa, Vaşinqton və Nyu-Yorkda yüksək səviyyəli görüşlər olacaq” – deyə Levan Xabeişvili açıqlayıb.