Milli Ətraf Mühit Agentliyi cari həftədə gözlənilən hava şəraiti ilə bağlı məlumat dərc edir.

“Qərbi Gürcüstanda isti və yağmursuz hava gözlənilir. Havanın temperaturunun aran rayonlarında 32,37, dağlarda 31,36 olacaq, yüksək dağlıq ərazilərdə 28,33 dərəcə isti olacağı gözlənilir. Sentyabrın 2-də bəzi yerlərdə yağış yağacağı gözlənilir. Şərqi Gürcüstanın bəzi rayonlarında sentyabrın 3-dək nisbətən yüksək temperatur (+29, +34 dərəcə) fonunda şimşək çaxacaq, qısamüddətli yağış yağacağı, bəzi yerlərdə dolu düşəcəyi ehtimalı var. Tbilisidə şimşək çaxacaq, qısamüddətli yağış yağacağı ehtimalı var. Havanın temperaturu gündüz +31, +33 dərəcə təşkil edəcək. Qeyd edək ki, Milli Ətraf Mühit Agentliyinin “Facebook” səhifəsində gözlənilən hava şəraiti ilə bağlı məlumatlar sistemli şəkildə yayılır. Həmçinin, hava şəraitinin mümkün pisləşməsi ilə bağlı məlumat bütün aidiyyatı qurumlara göndərilir” – deyə Milli Ətraf Mühit Agentliyinin məlumatında deyilir.

Bundan əlavə, Milli Ətraf Mühit Agentliyi dünən, avqustun 29-da Tbilisidə yağan güclü yağışla bağlı məlumat yayıb.

“Avqustun 29-u axşam saatlarından etibarən Tbilisi və ətraf ərazilərdə güclü yağıntılar qeydə alınıb. İlkin məlumatlara görə, ötən gecə üç saat ərzində düşən yağıntının miqdarı 2015-ci ilin iyunun 13-də altı saat ərzində düşən yağıntının miqdarını iki dəfə keçib. Eyni zamanda, 2015-ci ildən fərqli olaraq avqustun 29-da yağan yağıntı Tbilisinin bütün ərazisini əhatə edib”, – məlumatda deyilir.