Milli Ətraf Mühit Agentliyi Gürcüstanda gözlənilən hava şəraiti ilə bağlı əhaliyə xəbərdarlıq edir.

Sinoptiklərin proqnozlarına görə, martın 19-dan martın 20-si günün ikinci yarısınadək Gürcüstanda yağış, yüksək dağlıq ərazilərdə qar yağacağı, bəzi yerlərdə duman olacağı gözlənilir.

“Gözlənilən yağıntılar Gürcüstan çaylarında suyun səviyyəsinin əhəmiyyətli dərəcədə artmasına, dağlıq ərazilərdə sürüşmə proseslərinin formalaşmasına-aktivləşməsinə, yüksək dağlıq bölgələrdə isə qar uçqunlarının yaranmasına səbəb ola bilər. Görmə məsafəsinin pisləşməsi və qar uçqunu təhlükəsi ilə əlaqədar avtomobil yollarının müəyyən hissələrində nəqliyyatın hərəkəti məhdudlaşdırıla bilər”- Milli Ətraf Mühit Agentliyinin məlumatında qeyd olunub.