Gürcüstanın Milli Bankının məlumatına əsasən, kommersiya bankları tərəfindən 2024-cü ilin iyun ayında verilən kreditlərin həcmi əvvəlki ayla müqayisədə 966,17 milyon lari və ya 1,71 faiz artıb və iyunun sonunda 57,34 milyard lari təşkil edib.

Milli Bankın məlumatına əsasən, eyni dövrdə milli valyuta ilə verilən kreditlərin həcmi 785,90 milyon lari və ya 2,56 faiz, xarici valyuta ilə verilən kreditlərin həcmi isə 180,28 milyon lari və ya 0,70 faiz artıb.

Bununla yanaşı, Mərkəzi Bankın göstəricilərinə əsasən, kommersiya bankları tərəfindən 2024-cü ilin iyun ayının sonu üçün rezident hüquqi şəxslərə milli valyuta ilə 9,36 milyard lari həcmində kredit verilmişdi, bu da əvvəlki ayla müqayisədə 4,21 faiz çoxdur, xarici valyuta ilə isə 16,55 milyard lari həcmində kredit verilmişdi, bu da əvvəlki ayın göstəricisini 1,05 faizlə üstələyir.

Milli Bankın hesabatına əsasən, 2024-cü ilin iyun ayı ərzində rezident ev təsərrüfatları sektorunun kreditləşməsinin həcmi 1,31 faiz, yəni 382,81 milyon lari artıb və iyunun sonu üçün 29,52 milyard lari təşkil edib.

2024-cü ilin iyun ayının sonu üçün ümumi kreditlərin lariləşmə əmsalı 54,83 faiz təşkil edib. Əvvəlki ayın son vəziyyəti ilə müqayisədə 0,45 faiz bəndi artıb.