Milli Bankın məlumatına görə, 2023-cü ilin dekabr ayında ölkəyə pul köçürmələrinin axınının həcmi 308,3 milyon ABŞ dolları və ya 828,1 milyon lari təşkil edib ki, bu da 2022-ci ilin dekabr ayının analoji göstəricisindən 42,4% və ya 227,0 milyon ABŞ dolları azdır.

Mərkəzi Bankın məlumatına görə, xaricdən Gürcüstana pul köçürmələrinin 96,8%-i 25 ən böyük tərəfdaş ölkənin payına düşür və dekabrda hər bir ölkə üzrə pul köçürmələrinin həcmi bir milyon ABŞ dollarını ötüb. Ötən ilin dekabrında ümumi pul köçürmələrinin 97,4%-i eyni 25 ölkənin payına düşüb.

Pul köçürmələri statistikasına əsasən, ən böyük vəsait- 70,58 milyon ABŞ dolları Rusiya Federasiyasından köçürülüb; İkinci yerdə 49,68 milyon ABŞ dolları ilə İtaliya qərarlaşıb; Üçüncü yerdə 46,19 milyon ABŞ dolları ilə ABŞ, dördüncü yerdə 22,65 milyon ABŞ dolları ilə Yunanıstan, beşinci yerdə isə 21,57 milyon ABŞ dolları ilə Almaniya qərarlaşıb.

2023-cü ilin dekabr ayında Gürcüstandan xaricə 34,0 milyon ABŞ dolları və ya 91,4 milyon lari göndərilib ki, bu da 2022-ci ilin dekabr ayının analoji göstəricisindən 0,6% çoxdur.