Parlamentin İnsan Hüquqlarının Müdafiəsi Komitəsinin sədri Mixeil Sarcveladze Mixeil Saakaşvilinin ekspertiza keçirilməsindən imtina etməsinin kifayət qədər pis şübhələr yarada biləcəyini söyləyib.

O, bu şübhələrin cəmiyyətdə təbii olaraq yarandığını bildirib.

“Açıq şəkildə deyirəm indiki halda Mixeil Saakaşvilinin və ya onun tərəfdarlarının tutduğu mövqe tamamilə ziddiyyətlidir. Uzun müddətdir ki, zəhərlənmənin olması ilə bağlı qeyri-müəyyən, spekulyativ xarakterli fikirlər eşidirik, sonra bu cür ittihamları irəli sürən şəxs nümunələr götürülməsindən, ekspertiza tədqiqatlarından, belə bir faktın olub-olmaması ilə bağlı həqiqətin ortaya çıxarılmasından imtina edir. Bu, təbii ki, kifayət qədər pis şübhələr yarada bilər. İctimaiyyətin bu şübhələri, mən desəm də, deməsəm də, təbii olaraq, bundan asılı olmayaraq yaranır, beləliklə bu, onun tərəfindən məqbul bir hərəkət deyil və əksinə, mövqeyi ilə bağlı çox da yaxşı olmayan fikirlərə gətirib çıxara bilər”-deyə Sarcveladze açıqlayıb.