Səhiyyə naziri olmaq xüsusi şərəf və böyük məsuliyyətdir, uğurlu olmağa müvəffəq olacağımıza böyük ümidim var- bu haqda Gürcüstanın səhiyyə naziri Mixeil Sarcveladze açıqlayıb.

Mixeil Sarcveladze göstərdiyi etimada görə baş nazir İrakli Kobaxidzeyə təşəkkür edib.

“Gürcüstanın Baş naziri İrakli Kobaxidzeyə göstərdiyi etimada görə minnətdarlığımı bildirmək istərdim, bu, mənim üçün xüsusilə mühüm və əzizdir. İrakli Kobaxidzenin dəstəyi ilə onun komandasında ölkəyə xidmət etmək və ölkəmizin əhalisinə faydalı olmaq imkanımın olması mənim üçün şərəfdir. Bu, xüsusi şərəf və eyni zamanda, böyük məsuliyyətdir. Həmçinin, tibb ictimaiyyətinə xüsusi ehtiramım mənə böyük məsuliyyət yükləyir. Hesab edirəm ki, bu, bu ölkənin nəhəng intellektual potensialına malik cəmiyyətdir, onunla əməkdaşlıqla istər ədalətli sosial siyasət aparılması, istərsə də hər bir pasiyentin hüquqlarının keşiyində dayanılması kimi qarşıya qoyulan bütün məqsədlərə nail olmaq və istənilən vəzifəni yerinə yetirmək mümkün olacaq. Bu səbəbdən baş nazirin köməyi, onun dəstəyi ilə uğur qazana biləcəyimizə və o cümlədən hər bir məcburi köçkünün öz torpağına qayıdanda əziz anı yaşaya bilməsi üçün yorulmadan çalışacağımıza böyük ümidlər bəsləyirəm”-deyə Mixeil Sarcveladze açıqlayıb.

Mixeil Sarcveladze işğal olunmuş ərazilərdən olan məcburi köçkünlər, əmək, səhiyyə və sosial müdafiə naziri vəzifəsinə təyin edilib.