Mixeil Sarcveladze Gürcüstanın səhiyyə naziri vəzifəsinə təyin edilib

10:35, 11.03.2024

Mixeil Sarcveladze işğal olunmuş ərazilərdən olan məcburi köçkünlər, əmək, səhiyyə və sosial müdafiə naziri vəzifəsinə təyin edilib.

Bu barədə Gürcüstanın Baş naziri İrakli Kobaxidze bugünkü brifinqdə açıqlayıb.

Mixeil Sarcveladze səhiyyə naziri vəzifəsində Zurab Azaraşvilini əvəzləyib.

Xatırladaq ki, Zurab Azaraşvili martın 1-də istefa verib. Gürcüstanın Baş naziri İrakli Kobaxidzenin o zaman izah etdiyi kimi, tibb ictimaiyyətində səhiyyə naziri ilə ünsiyyətdə narazılıq olub. İrakli Kobaxidze buna nümunə olaraq Respublika Xəstəxanası ilə bağlı baş verənləri göstərib.

Müəllif - Sevinj Mustafaeva

Siyasət