Baş nazirin BMT-yə bənzər formatlarda ən yüksək səviyyədə iştirakı son dərəcə vacibdir, – İnsan Hüquqları və Mülki İnteqrasiya Komitəsinin sədri Mixeil Sarjveladze bildirib.

Onun sözlərinə görə, BMT-nin əsas prioriteti olan davamlı inkişaf məqsədləri Gürcüstan hökumətinin gündəliyi ilə tam üst-üstə düşür.

“Hər kəsə aydındır ki, müasir dünyada ölkənin beynəlxalq fəaliyyətə cəlb edilməsi, beynəlxalq səylər son dərəcə vacibdir. Xüsusilə BMT-nin əsas prioriteti olan davamlı inkişaf məqsədləri Gürcüstan hökumətinin, dövlətinin gündəliyi ilə tam üst-üstə düşdüyündən. Ona görə də baş nazirin bu cür formatlarda ən yüksək səviyyədə iştirakı son dərəcə vacibdir”, – deyə Mixeil Sarjveladze bildirib.

Gürcüstanın baş naziri İrakli Qaribaşvili sentyabrın 23-də BMT-nin 78-ci sessiyasının ümumi debatlarında çıxış edib.