Mixeil Sarcveladze bildirib: İşçi qrup formatında fəaliyyət davam etdiriləcək. Bu, son dərəcə vacibdir. Valideynlərə konstruktiv mövqelərinə görə təşəkkür edirəm

Mixeil Sarcveladze bildirib ki, işçi qrup formatında fəaliyyət davam etdiriləcək və bu, uşaqların və pasiyentlərin maraqlarının maksimum dərəcədə qorunması üçün kritik əhəmiyyət daşıyır.

Nazir valideynlərə konstruktiv yanaşmalarına görə təşəkkür edərək qeyd edib:

“Valideynlərin konstruktiv mövqeyinə görə minnətdarlığımı bildirmək istəyirəm. Bu, qərarların qəbul edilməsi baxımından həqiqətən çox vacib idi və əməkdaşlıq üçün zəruri formatdır. Baş nazirə də şəxsi iştirakına görə təşəkkür edirəm. Uzun müddətdir ki, bu mövzular ətrafında məsləhətləşmələr aparılırdı və bu, prosesin bugünkü mərhələyə çatması üçün çox mühüm rol oynadı.

İşçi qrup formatında fəaliyyət davam etdiriləcək. Bu, son dərəcə vacib və zəruridir ki, təkcə dərman təminatı istiqamətində deyil, digər bütün sahələrdə də uşaqların və pasiyentlərin maraqlarının maksimum dərəcədə təmin olunması və qorunması mümkün olsun.

Bütün yeniliklər barədə ilk olaraq valideynlər və pasiyentlər məlumatlandırılacaqlar. Təbii ki, ictimaiyyət də bütün məsələlərlə bağlı tam məlumat alacaq”, – deyə Sarcveladze bildirib.

Qeyd edək ki, daha əvvəl İrakli Kobaxidze bəyan etmişdi ki, Səhiyyə Nazirliyi və valideynlərin iştirakı ilə yaradılacaq işçi qrupu Duchenne Muscular Dystrophy olan uşaqların konkret dərman preparatları ilə təmin olunması məsələsi üzərində fəal işləyəcək.