Tbilisidə 65 məcburi köçkün ailəsi müasir standartlara uyğun tikilmiş yaşayış binasında tam təmirli mənzillər əldə edib. Onlara evin açarlarını işğal olunmuş rayonlardan olan məcburi köçkünlər, əmək, səhiyyə və əhalinin sosial müdafiəsi naziri verib.

Mixeil Sarjveladze ailələri yeni evləri münasibətilə təbrik edib və qeyd edib ki, məcburi köçkünlər üçün layiqli həyat şəraitinin yaradılması hökumətin prioritet vəzifələrindən biridir. Nazir ailələrlə birlikdə yeni mənzillərə baxıb, onların yaşayış şəraiti ilə tanış olub. Tbilisinin Viktor Kupradze küçəsində yerləşən binada Məcburi Köçkünlər, Ekomiqrantlar və Dolanışığın Təminatı İdarəsi məcburi köçkün ailələrinin məskunlaşdırılması məqsədilə həmin mənzilləri özəl tikinti şirkətindən alıb.

Tədbirdə Mixeil Sarjveladze ilə birlikdə iştirak ediblər: Abxaziya hökumətinin sədri Levan Mqaloblişvili, işğal olunmuş ərazilərdən olan məcburi köçkünlər, əmək, səhiyyə və sosial müdafiə nazirinin müavini Giorgi Tsaqareişvili, Məcburi Köçkünlər, Ekomiqrantlar və Dolanışıq Təminatı Agentliyinin direktoru Zurab Utiaşvili, tikinti şirkətlərinin nümayəndələri və digər dəvət olunmuş qonaqlar.

Köçkün ailələrinin mənzillə təmin olunması məqsədilə ölkənin 5 şəhərində yaşayış komplekslərinin, o cümlədən Tbilisidə 11 binanın tikintisi davam etdirilir ki, burada da 2400 ailəyə mənzillər veriləcək.

Məlumatı işğal olunmuş ərazilərdən olan Məcburi Köçkünlər, Əmək, Səhiyyə və Əhalinin Sosial Müdafiəsi Nazirliyi yayıb.