Məni öz dar məqsədləri üçün nə etdiyini tam dərk etməyən “zəif” insan kimi qələmə verməyə çalışan hər kəs Putinin oyununu oynayır və çox acı şəkildə yanılır-bu barədə Gürcüstanın sabiq prezidenti Mixeil Saakaşvili “Facebook” səhifəsində yazır.

Saakaşvilinin yazdığı kimi, o, heç vaxt ruhən indiki qədər güclü olmayıb.

“Fiziki olaraq, əlbəttə ki, problemlərim var, lakin ruhən heç vaxt indiki qədər güclü olmamışam, mənim və “Vahid Milli Hərəkat” ın mübarizəsinin istiqamətini aydın görürəm, onun perspektivlərinə çox nikbin baxıram. Həmçinin, heç vaxt xəyanət etmədiyim və heç vaxt xəyanət etməyəcəyim gürcü xalqından hiss etdiyim böyük dəstək məni gücləndirir. Mən onu tərk etməmişəm və bu sınaq anında da tərk etməyəcəyəm. Birlik və yenilənmə mübarizəmizin əsas prioriteti olaraq qalır” -deyə Mixeil Saakaşvili yazır.