Qətlimlə bağlı xüsusi əməliyyatın son mərhələsindəyik və bu əməliyyatda “parlamentarilər”, “jurnalistlər” və indi də klinika iştirak edir. Gürcüstanı və dünyanı bu cinayətkar korporasiyanın öz bəd niyyətlərini həyata keçirməsinə imkan verməməyə çağırıram – bu barədə Gürcüstanın sabiq prezidenti Mixeil Saakaşvili sosial şəbəkədə yazır.

Saakaşvili klinikanın həkimlərinin bugünkü mətbuat konfransına münasibət bildirir və “Vivamed”də onun əsas xəstəliyini müalicə etməkdən imtina etdiklərini bildirir.

“Vivamed” klinikasının həkimlərinin mətbuat konfransında yeganə həqiqət o idi ki, vəziyyətim ağırdır, sürətlə pisləşir və praktiki olaraq klinika heç nə edə bilmir. Geridə qalan hər şey yalan idi. Bu klinikada mənim əsas xəstəliklərimi müalicə etməkdən imtina etdilər. Konkret olaraq, ağır metal zəhərlənməsi, anoreksiya və kaxeksiyanın müalicəsi üzrə. Həyatı heç kim mənim qədər istəyə bilməz!

Mən yaxınlaşmaqda olan Ukraynanın qələbəsini və bütün Putinistlərin sonunu görmək istəyirəm.

Oliqarx Qoşiaya müraciət etmək istəyirəm, bir milyon yox, Gürcüstandan bir qəpik belə olsun aparmamışam, hardasa o qədər pulum olsaydı, vəkillərin xərclərini qarşılamaq üçün son torpaq sahəsini satmazdıq.

Həqiqət birdir, bütün bunlar Maria Zaxarovanın bəyanatının kontekstinə uyğundur.

Qətlimlə bağlı xüsusi əməliyyatın son mərhələsindəyik və bu əməliyyatda “parlamentarilər”, “jurnalistlər” və indi də klinika iştirak edir.

Gürcüstanı və dünyanı bu cinayətkar korporasiyanın öz bəd niyyətlərini həyata keçirməsinə imkan verməməyə çağırıram” – deyə Saakaşvili yazır.