Seçkilərin nəticələrini qorumaq üçün təcili olaraq Birləşmiş Müxalifət Koordinasiya Mərkəzi yaradılmalıdır, indi hərəkətə keçməyin vaxtıdır. – Bu barədə sosial şəbəkədə Gürcüstanın keçmiş prezidenti Mixail Saakaşvili yazır.

Onun sözlərinə görə, müxalifətin qalib gəldiyi seçkilər məmurlar tərəfindən tamamilə saxtalaşdırılıb.

“Gürcüstan prezidentinin, qeyri-hökumət təşkilatlarının və siyasi partiyaların keçirilən seçkilərin qiymətləndirilməsində görünməmiş birliyi MSK-nın təqdim etdiyi rəqəmləri qəbul etməyə əsas vermir. Müxalifətin inamlı qələbə qazandığı seçkilər məmurlar tərəfindən tamamilə saxtalaşdırılıb.

Ölkəmizi Avropaya çatdırmaq və layiqli nəticə əldə etmək üçün yorulmadan çalışan hər kəsə dərin təşəkkürümü bildirirəm, indi bu qələbəni reallığa çevirməyin vaxtıdır. Bu seçkinin nəticəsi hamı tərəfindən gözlənilən idi, görəsən niyə bəziləri üçün şok oldu?

Seçkilərin nəticələrini qorumaq üçün təcili olaraq müxalifətin birgə koordinasiya mərkəzi yaradılmalıdır. Bu seçkilər gürcü xalqının əlindən alınıb, ona görə də biz davamlı aksiyalara və ictimai itaətsizliyə borcluyuq. Xalqımızın özünü və əmlakını hər vasitə ilə qorumaq hüququ və borcu tamdır. İndi hərəkətə keçməyin vaxtıdır”. – Saakaşvili sosial şəbəkədə yazır.