Türkiyə Respublikasının xarici işlər naziri Mövlud Çavuşoğlu Polşaya səfəri zamanı Krımın qanunsuz ilhaqını tanımadıqlarını və Ukrayna və Gürcüstana dəstək verməyə davam edəcəklərini bəyan etdi.

“Rusiya Federasiyasına qarşı çox açıq və səmimiyik. Prezident Ərdoğan həmkarı Putinlə Soçidə görüşündə də çox səmimi idi. Siyasətimizi dəqiq müəyyənləşdirdik. Məsələn, Ukrayna və Gürcüstana dəstəyimiz. Krımın qanunsuz ilhaqını tanımırıq. Əlbəttə ki, Qara dəniz bölgəsindəki iki ölkəyə – Gürcüstan və Ukraynaya kömək etməyə davam etməliyik” dedi Çavuşoğlu.

Onun sözlərinə görə, bu ölkələrin ərazi bütövlüyünü dəstəkləməli, imkanlarını gücləndirməli və NATO ilə daha yaxşı əlaqələr qurmalıdırlar.

“Qara dəniz Avro-Atlantik təhlükəsizliyinin əsas sahələrindən biridir, buna görə də Qara dənizdəki hərbi məsələyə daim diqqət yetirilməlidir və bu, NATO-nun Qara dəniz bölgəsindəki müttəfiqləri tərəfindən edilir” dedi. diplomat bildirib.