O ki qaldı sanksiyaların nədən ibarət olacağı və kimə qarşı yönəldiləcəyinə, siz bizim rəsmi açıqlamamızı gözləməli olacaqsınız. – Bunu ABŞ Dövlət Departamentinin sözçüsü Metyu Miller brifinqdə gözlənilən sanksiyalarla bağlı sualı cavablandırarkən deyib.

Onun sözlərinə görə, dövlət katibi ötən həftə verdiyi açıqlamada ABŞ-ın sanksiyalar da daxil olmaqla, sərəncamında olan bütün vasitələrdən istifadə edəcəyini açıqlayıb.

“Bildiyiniz kimi, mən Gürcüstan rəsmilərinə və ya Gürcüstanda konkret şəxslərə qarşı tətbiq etmək niyyətində olduğumuz potensial sanksiyalardan danışmayacağam. Biz Gürcüstan hökumətinin seçdiyi istiqamətin dəyişməsindən dərin narahatlığımızı açıq şəkildə ifadə etmişik. Siz dövlət katibinin keçən həftə bəyanatını gördünüz və o, açıq şəkildə bildirdi ki, biz Gürcüstanı bu addımlara görə məsuliyyət daşımaq, o cümlədən yeni sanksiyalar tətbiq etmək üçün əlimizdə olan bütün vasitələrdən istifadə edəcəyik. O ki qaldı sanksiyaların nədən ibarət olacağı və kimə qarşı yönəldiləcəyinə, siz bizim rəsmi açıqlamamızı gözləməli olacaqsınız”. – Miller dedi.