Metyu Miller – ABŞ Livandakı insidentlə bağlı əvvəlcədən məlumatlı deyildi, lakin ümumiyyətlə Hizbullaha qarşı əməliyyatları dəstəkləyir

ABŞ Dövlət Departamenti Livandakı partlayışlara görə kimin məsuliyyət daşıdığını bilmədiklərini bildirib.

Dövlət Departamentinin sözçüsü Metyu Miller ABŞ-ın partlayışla bağlı məlumat topladığını, ona görə də əlavə məlumat verə bilməyəcəyini bildirib.

“Birləşmiş Ştatlar insidentdə iştirak etməyib. ABŞ-ın hadisə ilə bağlı əvvəlcədən məlumatı yox idi. Mən açıq şəkildə bildirmək istəyirəm ki, bu hadisə ilə bağlı konkret təfərrüatlar barədə danışmaq fikrində deyiləm, çünki biz hələ də bu barədə məlumat toplamırıq. Amma ümumilikdə götürdükdə, bəli, təbii ki, biz dinc əhaliyə qarşı terror aktları törətməkdə davam edən Hizbullah döyüşçülərinə yönəlmiş əməliyyatları dəstəkləyirik”. – Metyu Miller dedi.

Məlumat üçün bildirək ki, Livanda peycer partlayışları nəticəsində qurbanların sayı 9-a çatıb, 2800 nəfər yaralanıb. Koordinasiyalı partlayışlar nəticəsində Suriyada da 7 nəfər həlak olub. BMT Livandakı hadisələrin “son dərəcə narahatedici” olduğunu bildirib.