Norveç Gürcüstanın ərazi bütövlüyünü, suverenliyini və müstəqilliyini qətiyyətlə dəstəkləyir. Eyni zamanda, əgər Gürcüstan Avropa və Avro-Atlantik yolu davam etdirmək istəyirsə, demokratik dəyərləri qorumaq vacibdir-bu barədə Norveç parlamentinin sədri Məsud Qaraxani gürcü həmkarı Şalva Papuaşvili və nümayəndə heyətinin üzvləri ilə görüşdən əvvəl bildirib.

Onun sözlərinə görə, Gürcüstan nümayəndə heyətinin Skandinaviya turnesinə Norveçlə başlaması şərəfdir.

Norveç parlamentinin sədri Məsud Qaraxaninin sözlərinə görə, Norveç və Gürcüstan arasında yaxşı münasibətlər var ki, bu da önəmlidir.

“Təəssüf ki, indi Rusiyanın təcavüzü səbəbindən Avropada çətin dövrdür. Sədr və mən bu yaxınlarda Ukraynada idik, azadlıq və demokratiya uğrunda mübarizə aparan Ukrayna xalqına dəstəyimizi nümayiş etdirdik. Biz həmçinin İrpen və Buçada rus aqressiyasının nələrə qadir olduğunu gördük. Gürcüstan da rus təcavüzünün təcrübəsini yaşayıb. Norveç Gürcüstanın ərazi bütövlüyünü, suverenliyini və müstəqilliyini qətiyyətlə dəstəkləyir. Eyni zamanda, əgər Gürcüstan Avropa və Avro-Atlantik yolu davam etdirmək istəyirsə, demokratik dəyərləri qorumaq vacibdir. Gürcüstan uzun illər ərzində demokratik islahatların lideri idi və bu, çox yaxşıdır. Həmçinin, sədrlə görüş zamanı mən ötən illərin siyasi hadisələri ilə bağlı bəzi narahatlıqları ifadə edəcəyəm, sizinlə səmərəli müzakirələri səbirsizliklə gözləyirəm” -deyə Məsud Qaraxani bildirib.