Gürcüstanın Regional İnkişaf və İnfrastruktur Nazirliyinin Avtomobil Yolları İdarəsinin məlumatına əsasən, qar yağması ilə əlaqədar daxili dövlət əhəmiyyətli Zuqdidi-Cvari-Mestiya-Lasdili avtomobil yolunun 140-185-ci km-lik (Mestia-Uşquli) hissəsində sürüşməyə qarşı zəncirlərdən istifadə etməklə yüngül avtomobillərin hərəkətinə icazə verilir.

Avtomobil Yolları İdarəsindən verilən məlumata görə, sözügedən yolun 185-192-ci km-lik (Uşquli-Lasdili) hissəsində bütün növ avtonəqliyyat vasitələrinin hərəkəti qadağan edilib. Həmin avtomobil yolunun 140-185-ci km-lik (Mestia-Uşquli) hissəsində isə qoşqulu, yarımqoşqulu və tutumu 30 nəfərdən çox olan avtobusların hərəkəti qadağan edilmişdir, iki və daha çox hərəkət körpüsü olan nəqliyyat vasitələrinin hərəkəti isə sərbəstdir. Avtomobil yolunun  1- 140-ci km-lik (Zuqdidi-Mestiya) hissəsində avtonəqliyyat vasitələrinin hərəkəti sərbəstdir.