“Green Studio” şirkəti Gürcüstan Hava Limanları İttifaqının Mestia Kral Tamarın adını daşıyan hava limanının yeni sərnişin terminalı üçün layihə sənədlərinin satın alınması üçün elan etdiyi müsabiqənin qalibi olub. Məlumatı Gürcüstan Hava Limanları İttifaqı yayır.

Onların məlumatına görə, elektron müsabiqədə 18 şirkət iştirak edib, onlardan komissiya üzvləri “Green Studio”nu seçiblər.

Maraqlanan şəxslərə müsabiqədə iştirak üçün təklif təqdim etmək üçün 45 gün müddət verilib.

“Biz daha bir yeni böyük layihəyə başlamaqdan məmnunuq. Mestianın yeni terminalının dizayn müsabiqəsində qalib gələn şirkət binanın müasir eksteryer və interyerə malik konsept dizaynını təqdim edib. Bunun yerli landşaft və meteoroloji şəraitə tam uyğun gəldiyinə inanırıq. Terminal saatda 100 sərnişinə xidmət göstərmək üçün nəzərdə tutulub. Yaxın vaxtlarda “Green Studio” terminalın memarlıq, tikinti və mühəndis sənədlərini bizə təqdim edəcək”, – deyə Gürcüstan Hava Limanları İttifaqının baş direktoru İrakli Karkaşadze bildirib.

Gürcüstan Hava Limanları İttifaqından verilən məlumata görə, konseptual dizayna əsasən, yeni terminalın tavanında zalın daxili hissəsini təbii işıqlandırmanı təmin edəcək səma işıqları quraşdırılacaq. Müsabiqənin şərtlərinə əsasən, müsabiqə ilə maraqlanan iştirakçılar dizayn sahəsində son 4 il təcrübəyə malik olmalıdırlar.

Bununla yanaşı, təcrübə hissəsində əsas tələb o idi ki, İddiaçı çoxfunksiyalı ictimai binanın ən azı bir memarlıq layihə sənədini hazırlamış olmalı idi.